Contoh Sesorah Basa Jawa perpisahan kelas XII
SESORAH BAHASA
JAWA
PERPISAHAN
KELAS XII
Assalammualaikum wr.wb
Bapak Kepala SMA N 1 GODEAN ingkang
tuhu dahat kinurmatan. Bapak Ketua
Komite Sekolah ingkang tuhu minulya ing budi. Bapak/Ibu Guru Wali Murid Kelas
IX ingkang tuhu kula urmati. Para karyawan saha karyawati SMA N 1 GODEAN ugi
ingkang kula urmati. Para kanca kelas X, XI, saha roko kelas XII ingkang kula tresnani.
Kaping setunggal sumangga kula saha
panjenengan sedoyo ngaturaken Puji Syukur wonten ngarsanipun Gusti Allah
ingkang Mahakuwasa, ingkang sampun paring mapinten-pinten kanugrahan kasarasan dhumateng
kula saha panjenengan ,anjalari wekdal
menika saged rawuh wonten sekolahan
kangge ngawontenaken perpisahan kelasXII, kanti wilujeng lir ing sambekala .
Bapak/Ibu saha kanca-kanca, kirang
langkung setunggal wulan kepengker, raka-raka kelas XII sampun nindakaken ujian kanthi rancag boten
wonten alangan satunggal punapa. Awit saking puniko, nderek bingah kagem
raka-raka kelas IX ingkang lulus lan nderek bingah kagem raka-raka ingkang
pikantuk juara setunggal kanthi sedoso ingkang pikantuk biji-biji ingkang
maremaken utawi luwih inggil saking sakliyanipun.
Wekdal sak menika, perpisahan sampun dumugi, sampun dados
pepesten wonten patemon saha perpisahan, titi wanci sakmenika dumugi wedal
perpisahan ,ing raos mbokmenawi nyedhihaken kangge raka kelas XII. Sedhih amargi
kedah pisah kalian kanca-kanca saha Bapak
Ibu guru, ninggalaken sedaya kenangan ingkang sampun dipun ukir wonten salebetipun tiga warso kalampah ,ugi kedah ninggalaken sekolah ingkang
dipuntresnani. Raka kelas XII ingkang
kula tresnani, sekedhap malih badhe
nilaraken bangku pawiyatan saking SMA lan badhe nglajengaken sekolah wonten ing pawiyatan
ingkag langkung inggil, sejatinipun tugas raka kelas XII menika
luwih awrat. Saya inggil pendhidikan, inggih saya kathah tugas ingkang kedah
dipunrampungaken raka kelas XII saha tugasipun saya angel utawi tingkatannepun
saya inggil. Mula para siswa sedaya kedah lajeng sinau supados angen-angenipun
saged dipungayuh. Raka kelas XIIlulus kanti mbeta ijazah lan
biji ingkang sampun dipun pikantuk raka kelasXII.
Kula minangka waki saking kelas XI nyuwun
pangapunten mbok menawi wonten kalepatan tindak tanduk ingkang kirang nuju
prono ,ugi ngaturaken sagunging paruwun
dene raka kelas XII sampun ikhlas maringi pitedhah-pitedhah saha bimbingan
ingkang mboten sekedhik paedahipun.
Kula nyuwun do’a nipun raka kelas XII
mugi-mugi kula saged dados murid ingkang
pinter, saged mbanggaaken Bapak Ibu guru, saged pikantuk prestasi akademik
utawi nonakademik kangge sekolahan, ugi saged nderek raka kelas XII ing
pawiyatan ingkang luwih inggil kanthi biji ingkang maremaken. Aamiin.
Kula mboten saged atur piwales
menapa-napa namung saged atur “matur nuwun” wonten ngarsane, saha wonten ngarsanipun Gusti Allah , mugi-mugi
raka-raka tansah pinaring kasarasan, kasuksesan lan katampi wonten ing pawiyatan
langkung inggil ingkang sampun dipun gadang-gadang raka kelas XII sedoya. Saha
mugi-mugi raka kelas XII dados tiang ingkang leres, saged mbanggakaken wong
tua, saged dados tiang ingkang migunani bangsa, negara, lan agami.
Menika ingkang saged kula aturaken, bilih wonten kirang luwihipun atur kula, kula
nyuwun pangapunten.
Wassalammualaikum
wr.wb
Komentar