contoh pranatacara bahasa jawa
Nama : Mutiari Rahmadhani
Kelas : XI MIPA 4
No
: 19
TUGAS
BAHASA JAWA PRANATACARA
Perpisahan
Kelas XII
Assalammu’alaikum wr.wb
Panjenengan Bapak Kepala Sekolah ingkang tuhu dahat
kinurmatan. Panjenenganipun Bapak Ketua Komite Sekolah ingkang tuhu minulya ing
budi. Bapak/Ibu dwija lan karyawan ingkang tansah bagya mulya. Bapak/Ibu wali
murid ingkang kula hormati. Lan kanca-kanca ingkang kula tresnani.
Kaping setunggal sumangga kula saha
panjenengan sedaya ngaturaken Puji Syukur wonten ngarsanipun Gusti Allah
ingkang Maha Kuasa, ingkang sampun paring kanugrahan, kasarasan dhumateng kula
saha panjenengan, anjalari wekdal menika saged rawuh wonten sekolahan kangge
ngawontenaken “Perpisahan Kelas XII” kanthi wilujeng nir ing sambekala.
Dhumateng ngarsanipun
para rawuh ingkang tansah kula hormati, keparenga kula wonten ing mriki derekaken
lumpahing adicara ing enjing punika. Kula ingkang jinejer minangka pranataadicara, langkung
rumiyen badhe ngaturaken menggah urut reroncening adicara ingkang sampun rinacik
dening para kadhang panitya.
1. (Adicara
ingkang angka setunggal) Pambuka
2. (Angka
kalih) Nembang sesarengan tembang “Indonesia Raya” lan tembang “Syukur”
3. (Angka
tiga) Atur pangandikan saking Kepala Sekolah
4. (Dene
ingkang angka sekawan inggih menika) Atur pangandikan saking Ketua Komite
5. (Angka
gangsal) Pentas seni tari saking kelas X lan XI
6. (Ingkang
angka enem) Atur pangandikan saking wakil wali murid kelas XII
7. (Angka
pitu) Atur pangandikan saking ketua OSIS
8. (Angka
wolu) Pangumuman kelulusan murid kelas XII
9. (Ingkang
angka sanga inggih menika) Atur pamit saking wakil murid kelas XII
10. (Tataran adicara ingkang angka sedasa inggih
menika) Ndonga sesarengan
11. (Ndungkap
acara ingkang angka sewelas utawi ingkang pungkasan inggih menika) Panutup lan
dhahar
Mekaten para rawuh
ingkang minulya, rantamaning adicara ing kalenggahan menika. Minangka pratandha
pambukaning adicara, sumangga kula dherekaken sesarengan ngaturaken puji syukur wonten ngarsa dalem
Allah ingkang Maha Agung,
kanthi
waosan Bismillah ingkang ngrasuk agami islam lan ingkang ngrasuk agami
sanesipun sumangga miturut kapitadosanipun piyambak-piyambak. Sumangga ndonga
kula ndherekaken. Bismillahhirrahmanirrahim.
Cekap, matur nuwun.
Para lenggah ingkang bagya mulya, acara
ingkang angka kalih inggih menika nembang sesarengan tembang “Indonesia Raya”
lan tembang “Syukur”. Ingkang badhe dipun pimpin kaliyan sederek Rina. Dhumateng
sederek Rina wekdal lan papan kula sumanggakaken.
................................................................................................................................................
Matur nuwun dhumateng sedherek Rina. Mugi-mugi
kula saha panjenengan sedaya saged dados tiang ingkang bisa tresna kalian
bangsa Indonesia menika.
Bapak-bapak, Ibu-ibu, lan kanca-kanca
ingkang dahat kinurmatan, ndungkap acara ingkang angka tiga inggih menika atur pangandikan
saking Bapak Kepala Sekolah. Dhumateng Bapak Drs. Bayu Aris minangka Kepala
Sekolah, wekdal lan papan kula sumanggakaken.
................................................................................................................................................
Matur nuwun dhumateng Bapak Kepala
Sekolah ingkang sampun kersa paring atur pangandikan.
Para rawuh ingkang dahat kinurmatan,
acara ingkang angka sekawan inggih menika atur pangandikan saking Ketua Komite.
Dhumateng Bapak Drs. Lapiga Bodhidarma minangka Ketua Komite wekdal lan papan
kula sumanggakaken.
................................................................................................................................................
Matur nuwun dhumateng Bapak Ketua Komite
ingkang sampun kersa paring atur pangandikan. Adicara ingkang salajengipun
inggih menika “Pentas Seni Tari” saking kelas X lan XI. Para kanca ingkang
badhe paring panglipur, wekdal lan papan kula sumanggakaken.
................................................................................................................................................
Bapak-bapak,Ibu-ibu, lan kanca –kanca
ingkang bagya mulya. Adicara ingkang angka enem inggih menika atur pangandikan
saking wakil wali murid kelas XII ingkang badhe dipunsalirani dening
panjenenganipun Bapak Kurniawan Pratama
S.Pd. Dhumateng Bapak Kurniawan minangka
wakil wali murid kelas XII wekdal lan papan kula sumanggakaken.
................................................................................................................................................
Agunging panuwun dhumateng
panjenenganipun Bapak Kurniawan ingkang sampun kepareng atur pangandikan.
Para rawuh ingkang minulya, ndukap
adicara ingkang angka pitu inggih menika
atur pangandikan saking Ketua OSIS ingkang badhe dipunsalirani dening
panjenenganipun Sedherek Ricky Justitio. Dhumateng sedherek Ricky minangka Ketua OSIS wekdal lan papan kula
sumanggakaken.
................................................................................................................................................
Matur nuwun dhumateng sedherek Ricky ingkang sampun paring atur pangandikan. Para
lenggah ingkang dahat kinurmatan salajengipun adicara ingkang sampun
dipunentosi inggih menika “Pengumuman kelulusan murid kelas XII”. Pengumuman
menika ajeng dipun umumaken kalian Bapak Kepala Sekolah. Dhumateng Bapak Kepala
Sekolah wekdal lan papan kula sumanggakaken.
................................................................................................................................................ .
Mekaten para rawuh, pengumuman kelulusan
murid kelas XII. Alhamdulillah sedaya raka-raka saged lulus. Mugi-mugi
raka-raka kelas XII tansah pinaring kasarasan, kasuksesan, lan saged katampi
wonten Universitas ingkang sampun dipun gadang-gadang raka-raka sedoyo. Aamiin.
Para rawuh ingkang minulya, atur bilih acara ing kalenggahan menika dereng
purna. Tataran adicara ingkang angka sanga inggih menika atur pamit saking
wakil murid kelas XII. Dhumateng Sedherek Andi Nugraha minangka wakil murid
kelas XII wekdal lan papan kula sumanggakaken.
................................................................................................................................................
Matur nuwun dhumateng raka kelas XII,
kula saha adhi klas namung saged paring donga kangge raka kelas XII sedaya.
Jumbuh kaliyan urut reroncening acara
ingkang sampun katur wonten ngajeng, tataran adicara ingkang angka sedasa inggih
menika ndonga sesarengan ingkang badhe dipundherekaken dening Bapak H. Rifqi
Abdurrahman S.Pd. Dhumateng Bapak H. Rifqi kula sumanggakaken.
................................................................................................................................................
Matur nuwun dhumateng Bapak H. Rifqi, amargi
sampun nderekaken ndonga sesarengan menika.
Para lenggah ingkang dahat kinurmatan,
ndungkap adicara ingkang pungkasan inggih menika panutup lan kalajengan kanthi dhahar.
Sumangga para rawuh sedaya kanthi dipun dhahar sakwontenipun.
Saking kadang panitya tansah nyuwun
samudra pangaksami, awit saking kiranging subasita anggenipun nanggepi
rawuhipun para Bapak, Ibu, lan kanca ugi anggenipun ngaturaken papan
palenggahan ingkang kirang trep lan jumbuh kalian kalenggahan Bapak, Ibu, lan
kanca-kanca sedaya. Boten kesupen kula minangka ingkang ndherekaken adicara
menika nyuwun agunging pangaksami mbok bilih wonten atur kula ingkang boten
nuju prana ing panggalih para rawuh sedaya. Wasana sumangga adicara ing wekdal
punika dipunpungkasi kanthi waosan Hamdallah ingkang ngrasuk agami islam lan
ingkang ngrasuk agami sanesipun sumangga miturut kapitadosanipun
piyambak-piyambak. Sumangga ndonga kula ndherekaken.
Alhamdulillahirabbilalamin.
Cekap sementen atur
kula.
Wassalamu’alaikum wr.wb
Komentar